富士公布X-E3無反 仲有好多鏡頭

之前Rumors都已經開晒所有產品同規格出嚟架喇,終於富士都正式喺東京正正式式咁公布咗包括好多人都等咗好多嘅X-E3等等幾件新產品。

X-E3係採用旁軸機型設計嘅可換鏡數碼相機,相比上一代佢除咗改用咗同X-Pro2同級嘅2400萬像素感光元件同提升埋對焦區數目,機身仲細咗輕咗同加入埋觸控功能及內置藍牙,但就冇咗內置閃光燈。另外佢內置追焦運算已經係暫時最新嘅版本,同埋支援4k影片拍攝功能。定價方面淨機身為899美金,即約$7000港紙左右。

鏡頭方面富士就同時公布咗一支XF 80mm f/2.8 R LM OIS WR Macro同另一支GFX系統用嘅GF 45mm f/2.8 R WR鏡頭。前者最特別當然係可以提供高達1:1嘅放大率,而且內置防手震功能,必要時手持拍攝都可以更有信心。更特別之處係佢更支援到原廠1.4X同2X轉換鏡,令影像可以放得更大。此鏡定價為1200美金(約$10000港紙),將於11月推出。另外GF 45mm f/2.8 R WR放上去GFX 50s機身上面有相當於135格式大約36mm嘅視角,為GFX鏡頭系統加入多一個廣角鏡選擇。

廣告

發表迴響

%d 位部落客按了讚: