Profoto推出外置機頂燈A1流出

眼見呢邊Bowens要摺埋,但嗰邊內地品牌神牛就做燈做到出神入化,傳統閃燈大品牌Profoto一於不甘後人,反過來向後起之秀神牛學習,推出更貼近市場需求嘅產品。繼早前將旗下引閃加入富士相機嘅支援,啱啱又推出一支設計特別嘅外置機頂閃光燈A1。呢支燈嘅資料其實係由Profoto喺法國代理嘅官網短暫流出,除咗相之外仲有齊主要資料。輸出功率為76W,高速同步可以做到1/2000s(咁奇?),並支援手動或TTL控制,當然亦支援Profoto Air遙控系統。採用鋰離子電池,喺全輸出情況下可以閃360次,而回電速度就係1.2秒。不過最特別嘅係佢燈頭為圓形,並且可以見到有3個卡口,相信有關方面會推出一系列可以直接安上燈頭嘅配件(例如燈罩、圓形散光罩等)。價錢方面為990歐元,即約9250港幣。

廣告

發表迴響

%d 位部落客按了讚: