Profoto A1正式公布 聲稱為世界最細影樓燈

早前網上唔小心流出嘅Profoto A1終於都正式發布,呢支可以安放喺相機頂部使用嘅「影樓燈」,體積比一般最高階機頂燈大,但重量只重100g左右,火力方面則比一般有GN60(@200mm)嘅頂級機頂燈勁少少,一般夜間外拍就算加散光罩都夠力。內置鋰離子電池可以支持全輸出350次,回電時間為1.2秒,而充電則只需80分鐘。

雖然燈頭採用一般直形閃管,但內裡反光罩成圓形,據廠方表示可以造出自然而柔和嘅「陰影」。燈頭外邊設有磁鐵,可以簡易吸住專用配件,易拆易裝。另外燈頭內置設有手動變焦功能,除咗直打時可以將光線更集中提升GN數,亦方便造出唔同效果。

此燈同時內置LED造象燈、9級輸出調校及支援Profoto自家Air Remote TTL系統。有一點同之前流出有比較大差距係佢定價只係995美金,雖然都仲係幾貴,但始終係大品牌,都算可以接受啦!

 

廣告

發表迴響

%d 位部落客按了讚: