Sony RX0終於公布售價 驚喜價$6,290

Sony RX0喺之前公布嘅時候可以講得上引嚟一時佳話。不過當時令人嘩然嘅仲有佢定價約US$1000,當時換算差不多要$8000港紙,好多人都為此議論紛紛。而到咗今日Sony香港終於都正式公布佢喺香港嘅定價,「只」索價$6,290,聽落吸引力真係大咗唔少喎。

呢部RX0只重110g,體積亦只有59x 40.5 x 29.8mm,但就內置1吋1500萬像素感光元件,呮擁有相當於24mm f/4嘅Zeiss Tessar鏡頭,所以雖然佢外形似足一部Action Cam,而且仲一樣可以防水防撞,但拍攝質素上一般Action Cam係完全冇得Fight。另外佢連拍速度達16fps,並具備1000fps超慢動作影片拍攝功能。另外用戶可以輕鬆遙控最多達15部RX0同時進行拍攝,即使用手機都可以同時遙控5部。由於佢又輕巧又防水防撞,非常適合放喺特別拍攝角度去拍攝高質素相片同影片。不過要留意佢有4K輸出但唔可以直接錄影,係需要經HDMI輸出至4K錄影機先錄得到。

此機將於本月下旬正式推出。

 

廣告

發表迴響

%d 位部落客按了讚: