記憶卡大戰再臨? Sony公布推出CFast記憶卡

DPrQqMRVoAA-Xj1

仲記得當日Compact Flash對SD大戰,唔同攝影媒體同討論區都會久唔久出現評論文章講解各自好處同估計邊個會係最終贏家。而到咗今時今日,大家都唔會否認以較輕便嘅SD卡成為咗主流。但其實講速度,不論CF定SD都到晒樽頸,所以各大記憶卡生產商都早以定立咗新一代記憶卡嘅規格,而且亦同樣分成咗CFast同XQD兩個陣營。現時喺使用上,CFast方面主要得到咗Canon嘅支持,而XQD則主要得到Nikon嘅支持,而推出記憶卡嘅品牌亦同樣各自歸邊,只會推出其中一款記憶卡。但一向推出XQD嘅Sony就啱啱公布咗三款分別為32GB、64GB同128GB唔同容量嘅CFast 2.0記憶卡,讀取同寫入速度分別為550MB/s同510MB/s,比現時市面最流行UHS-I SD卡當中最高速嘅一款快5倍以上。而隨住是項產品推出,Sony就成為咗唯一一間出齊十兩個陣營記憶卡公司,究竟係咪意味住XQD會失敗,定還是Sony方面想侵占晒全部市場呢?

廣告

發表迴響

%d 位部落客按了讚: